Chapter 79
Chapter 78 / Enoch / Chapter 79 Chapter 80

1 ወይእዜኒ ፡ ወልድየ ፡ ማቱሳላ ፡ አርአይኩከ ፡ ኵሎ ፡ ወተፈጸመ ፡ ኵሉ ፡ ሥርዐተ ፡ ከዋክብት ፡ ዘሰማይ ።

2 ወአርአየኒ ፡ ኵሎ ፡ ሥርዐቶሙ ፡ ለእሉ ፡ እንተ ፡ በኵሉ ፡ መዋዕል ፡ ወበኵሉ ፡ ዘመን ፡ ዘበኵሉ ፡ ሥልጣን ፡ ወበኵሉ ፡ ዓመት ፡ ወበሙፃኡ ፡ ወበትእዛዙ ፡ በኵሉ ፡ ወርኅ ፡ ወበኵሉ ፡ ሰንበታት ።

3 ወኅፀፀ ፡ ወርኅ ፡ ዘይትገበር ፡ በሳድስት ፡ ኆኅት ፡ እስመ ፡ በዛቲ ፡ ኆኅት ፡ ሳድስት ፡ ይትፌጸም ፡ ብርሃነ ፡ ዚአሁ ፡ ወእምኔሁ ፡ ይከውን ፡ ርእሰ ፡ ወርኅ ።

4 ወታኅፃፂት ፡ ዘይትገበር ፡ በኆኅት ፡ ቀዳሚት ፡ በዘመነ ፡ ዚአሁ ፡ እስከ ፡ ይትፌጸም ፡ መዋዕል ፡ ፻ ወ ፸ ወ ፯ ወበሥርዐተ ፡ ሰንበት ፡ ፳ ወ ፭ ወ ፪ መዋዕል ።

5 ወዘየሐፅፅ ፡ እምፀሐይ ፡ ወበሥርዐተ ፡ ከዋክብት ፡ ኀሙሰ ፡ መዋዕለ ፡ በዘመን ፡ ፩ ጥንቁቀ ፡ ወሶበ ፡ ይትፌጸም ፡ ዝመካን ፡ ዘትሬኢ ።

6 ከመዝ ፡ አርአያ ፡ ወአምሳል ፡ እምኵሉ ፡ ብርሃን ፡ ዘአርአየኒ ፡ ኡርኤል ፡ መልአክ ፡ ዐቢይ ፡ ዘውእቱ ፡ መራኂሆሙ ።