Chapter 50
Chapter 49 / Enoch / Chapter 50 Chapter 51

1 ወበእማንቱ ፡ መዋዕል ፡ ሚጠት ፡ ትከውን ፡ ለቅዱሳን ፡ ወለኅሩያን ፡ ወብርሃነ ፡ መዋዕል ፡ ዲቤሆሙ ፡ የኀድር ፡ ወስብሐት ፡ ወክብር ፡ ለቅዱሳን ፡ ይትመየጥ ።

2 ወበዕለት ፡ እንተ ፡ ጻሕብ ፡ ትዘገብ ፡ እኪት ፡ ላዕለ ፡ ኃጥኣን ፡ ወይመውኡ ፡ ጻድቃን ፡ በስሙ ፡ ለእግዚአ ፡ መናፍስት ፡ ወያርኢ ፡ ለካልኣን ፡ ከመ ፡ ይነስሑ ፡ ወይኅድጉ ፡ ምግባረ ፡ እደዊሆሙ ።

3 ወኢይከውን ፡ ሎሙ ፡ ክብር ፡ በቅድመ ፡ እግዚአ ፡ መናፍስት ፡ ወበስሙ ፡ ይድኅኑ ፡ ወእግዚአ ፡ መናፍስት ፡ ይምሕሮሙ ፡ እስመ ፡ ብዙኅ ፡ ምሕረቱ ።

4 ወጻድቅ ፡ ውእቱ ፡ በኵነኔሁ ፡ ወበቅድመ ፡ ስብሐቲሁ ፡ ወዐመፃ ፡ ኢትቀውም ፡ በኵነኔሁ ፡ ዘኢይኔስሕ ፡ በቅድሜሁ ፡ ይትሐጐል ።

5 ወእምይእዜሰ ፡ ኢይምሕሮሙ ፡ ይቤ ፡ እግዚአ ፡ መናፍስት ።