Chapter 37
Chapter 36 / Enoch / Chapter 37 Chapter 38

1 ራእይ ፡ ዘርእየ ፡ ካልአ ፡ ራእየ ፡ ጥበብ ፡ ዘርእየ ፡ ሄኖክ ፡ ወልደ ፡ ያሬድ ፡ ወልደ ፡ መላልኤል ፡ ወልደ ፡ ቃይናን ፡ ወልደ ፡ ሄኖስ ፡ ወልደ ፡ ሴት ፡ ወልደ ፡ አዳም ።

2 ወዝርእሱ ፡ ለነገረ ፡ ጥበብ ፡ ዘአንሣእኩ ፡ እትናገር ፡ ወእብል ፡ ለእለ ፡ የኀድሩ ፡ ዲበ ፡ የብስ ፡ ስምዑ ፡ ቀደምት ፡ ወርእዩ ፡ ደኃርያን ፡ ነገረ ፡ ቅዱሰ ፡ እለ ፡ እነግር ፡ ቅድመ ፡ እግዚአ ፡ መናፍስት ።

3 እሉ ፡ ቀዳሚ ፡ ይኀይስ ፡ ብሂል ፡ ወደኃርያንሂ ፡ ኢንከልእ ፡ ርእሳ ፡ ለጥበብ ።

4 እስከ ፡ ይእዜ ፡ ኢተውህበኒ ፡ እምቅድመ ፡ እግዚአ ፡ መናፍስት ፡ ዘነሣእኩ ፡ ጥበበ ፡ በከመ ፡ ሀለይኩ ፡ በከመ ፡ ፈቀደ ፡ እግዚአ ፡ መናፍስት ፡ ዘተውህበኒ ፡ እምኔሁ ፡ ክፍለ ፡ ሕይወት ፡ ዘለዓለም ።

5 ወኮኑ ፡ ብየ ፡ ፫ ምሳሌ ፡ ወአነ ፡ አንሣእኩ ፡ እንዘ ፡ እብሎሙ ፡ ለእለ ፡ የኅድሩ ፡ የብሰ ።