Chapter 36
Chapter 35 / Enoch / Chapter 36 Chapter 37

1 ወእምህየ ፡ ሖርኩ ፡ መንገለ ፡ አዜብ ፡ በአጽናፈ ፡ ምድር ፡ ወበህየ ፡ ርኢኩ ፡ ፫ ኀዋኅወ ፡ ሰማይ ፡ ርኅዋተ ፡ ወይወፅእ ፡ እምህየ ፡ አዜብ ፡ ወጠል ፡ ወዝናም ፡ ወነፋስ ።

2 ወእምህየ ፡ ሖርኩ ፡ መንገለ ፡ ጽባሕ ፡ በአጽናፈ ፡ ሰማይ ፡ ወበህየ ፡ ርኢኩ ፡ ፫ ኀዋኅወ ፡ ሰማይ ፡ ርኅዋተ ፡ መንገለ ፡ ጽባሕ ፡ ወላዕሌሆሙ ፡ ኀዋኅው ፡ ንዑሳን ።

3 በበ ፩ ፤ እምእልኩ ፡ ኀዋኅው ፡ ንዑሳን ፡ የኀልፉ ፡ ከዋክብተ ፡ ሰማይ ፡ ወየሐውሩ ፡ ምዕራበ ፡ በፍኖት ፡ እንተ ፡ ተርእየት ፡ ሎሙ ።

4 ወሶበ ፡ ርኢኩ ፡ ባረኩ ፡ ወበኵሉ ፡ ጊዜ ፡ እባርኮ ፡ ለእግዚአ ፡ ስብሐት ፡ ዘገብረ ፡ ተአምራተ ፡ ዐቢያነ ፡ ወስቡሓነ ፡ ከመ ፡ ያርኢ ፡ ዕበየ ፡ ግብሩ ፡ ለመላእክቲሁ ፡ ወለነፍሳተ ፡ ሰብእ ፡ ከመ ፡ ይሰብሑ ፡ ግብሮ ፡ ወኵሉ ፡ ተግባሩ ፡ ከመ ፡ ይርአዩ ፡ ግብረ ፡ ኀይሉ ፡ ወይሰብሕዎ ፡ ለግብረ ፡ እደዊሁ ፡ ዐቢይ ፡ ወይባርክዎ ፡ እስከ ፡ ለዓለም ።