Chapter 8
Chapter 7 / Enoch / Chapter 8 Chapter 9

1 ወአዛዝኤል ፡ መሐሮሙ ፡ ለሰብእ ፡ ገቢረ ፡ አስይፍት ፡ ወመጥባሕት ፡ ወወልታ ፡ ወድርዓ ፡ እንግድዓ ፡ ወአርአዮሙ ፡ ዘእምድኅሬሆሙ ፡ ወምግባሪሆሙ ፡ አውቃፋተ ፡ ወሠርጐ ፡ ወተኵሕሎተ ፡ ወአሠንዮ ፡ ቀራንብት ፡ ወእብነ ፡ እምኵሉ ፡ እብን ፡ ክቡረ ፡ ወኅሩየ ፡ ወኵሎ ፡ ጥምዓታተ ፡ ኅብር ፡ ወተውላጠ ፡ ዓለም ።

2 ወኮነ ፡ ርስዐት ፡ ዐቢይ ፡ ወብዙኅ ፡ ዘምዎ ፤ ወስሕቱ ፡ ወማሰና ፡ ኵሉ ፡ ፍናዊሆሙ ።

3 አሜዛራክ ፡ መሀረ ፡ ኵሎ ፡ መሳብዕያነ ፡ ወመታርያነ ፡ ሥርዋት ፤ አርማሮስ ፡ ፈትሐ ፡ ስብዐታተ ፤ ወበረቅዓል ፡ ረዓይያነ ፡ ከዋክብት ፤ ወኮከብኤል ፡ ትእምርታተ ፤ ወጥምኤል ፡ መሀረ ፡ ራእየ ፡ ኮከብ ፤ ወአስራድኤል ፡ መሀረ ፡ ሩፀተ ፡ ወርኅ ።

4 ወበኅጕለተ ፡ ሰብእ ፡ ጸርሑ ፡ ወበጽሐ ፡ ቃሎሙ ፡ ሰማየ ።