11. The Unanimous Declaration of the Three Hundred and Eighteen
10. Concerning Zion / Kebra Nagast / 11. The Unanimous Declaration of the Three Hundred and Eighteen 12. Concerning Canaan

፲፩ ፡ ኀበ ፡ ኀበፋ ፡ ፫፻፲ወ፰ርቱዓነ ፡ ሃይማኖት ።


ወአውሥእዎ ፡ ወይቤሉ ፡ እወ ፡ አማን ፡ ቀደመት ፡ ተፈጥሮ ፡ ታቦተ ፡ ኪዳን ፡ ወአልቦ ፡ ሐሰት ፡ ውስተ ፡ ቃልከ ፡ እሙን ፡ ወርቱዕ ፡ ወጽድቅ ፡ ውእቱ ፡ ወአልቦ ፡ ተውላጥ ፤ አቅዲሙሰ ፡ ለጽዮን ፡ ፈጠራ ፡ ለማኅደረ ፡ ስብሐቲሁ ፡ ወምክረ ፡ ኪዳኑሰ ፡ ዘይቤ ፡ እለብስ ፡ ሥጋ ፡ አዳም ፡ መሬታዊተ ፡ ወኣስተርኢ ፡ ለኵሉ ፡ ዘፈጠርኩ ፡ በእዴየ ፡ ወበቃልየ ፡ ፡ ወሶበሰ ፡ ኢወረደት ፡ ጽዮን ፡ ሰማያዊት ፡ ወሶበኒ ፡ ኢለብሰ ፡ ሥጋ ፡ አዳም ፡ እመ ፡ ኢተርእየ ፡ እግዚኣብሔር ፡ ቃል ፡ ወእመ ፡ ኢኮነ ፡ መድኀኒተነ ፤ ስምዑ ፡ በአምሳል ፤ ጽዮንሰ ፡ ሰማያዊት ፡ ተመሰለታ ፡ ለወላዳተ ፡ መድኅን ፡ ማርያም ፤ እስመ ፡ ሕንጽት ፡ ጽዮን ፡ ወንቡር ፡ ውስቴታ ፡ ፲ቃላት ፡ ዘሕግ ፡ እለ ፡ ጽሑፋት ፡ በእደዊሁ ፡ ወውስተ ፡ ከርሠ ፡ ማርያም ፡ ኀደረ ፡ ለሊሁ ፡ ፈጣሪ ፡ ዘበእንቲአሁ ፡ ኵሉ ፡ ኮነ ፨